For resten av hausten ser det også lite lystigt ut: Vi har pr. dags dato disponible 7 spelarar som utifrå tilbakemelding og erfaring vil prioritere alle kampane (utanom den første). Desse er Silje, Lisbeth, Solrun, Frida, Janita, Karen Ann og Malin.
Så har vi 2 spelarar som vert med til dei reiser: Elise (ca. 25. aug) og Monica (7. sept).
Vi har 5 som kanskje kan vere med, men ikkje kan/vil forplikte seg: Det er Maria, Rita, Marta, Christianne og Sara. Dei fire siste vert i Ålesund.

Resten reiser vekk (Bergen, England, USA, Oslo...)

Dette er for usikkert til at ein kan satse på laget vidare. Det er ingen tvil om at terskelen for å melde forfall har vore for lav, men det har gått bra fordi vi har hatt bra med folk. No må vi  vite at vi har min. 11 spelarar til kvar kamp. Vi ber derfor alle om å engasjere seg for å skape grunnlag for å fullføre sesongen. Endeleg tilbakemelding innan torsdag førstkomande, dvs. i morgon til Øystein J.

Gje også tilbakemelding på om det kan vere aktuelt å spele i 7-ar-serien i staden, dersom vi ikkje greier å stille lag i 3. divisjon.

Jentelaget ( 7-ar) kvalifiserte seg for 1. divisjon i haust.

Larsnes har for vane å gjere det skarpt i jentefotball i NC. Det er tredje gongen sidan 2002 at småjente/jente har vore i kvartfinalen - ein gong med deler av noverande juniorlag og to år på rad med dei som no er jentelag. Snart på tide å ta steget heilt opp?

To heimekampar denne veka [19.06.07]
Det vert kamp onsdag 20. juni kl. 19.00 på Gursken stadion mot Valder. Alle møter. Forfall må meldast. Oppmøte 18.00.

På laurdag (jonsokafta) vert det kamp mot Sunnylven på Larsnes stadion kl. 13.30. Oppmøte 12.30. Forfall må meldast.

Følgjande spelarar møter: Maria Nupen, Siv Helen Tødenes, Julie Knotten, Martine Dalen, Malin Knotten, Solrun Slettestøl, Monica Lynge, Christianne Lillebø, Ida M. Sandanger, Janita Kvalen, Sunniva P. Johansen, Lisbeth Nykrem, Silje Keiseraas, Elise Myklebust, Rita Nygård, Karen Ann Rødseth, Marta Elise Baade. Eventuelle forfall må meldast snarast.

Ny sterk bortekamp og 1-0 over Stranda! [11.05.07]
Sande-damene tok ein ny sterk bortesiger onsdag då Stranda vart slegne 1-0  på kunstgraset på Stranda. Debutant Martine Dalen scora einaste målet i kampen då ho blei flott frispelt av ein annan debutant , Julie Knotten. Begge er førsteårs jentespelarar og gjorde eit solid inntrykk i debuten.

Kampen starta dårleg for Sande, med massivt Stranda-press. M.a. redda Karen Ann Rødset på streken, og det var farleg rundt Marta Baade i mål fleire gonger det første kvarteret. Spelarane var reserverte i høve til underlaget, og kom ikkje i duellar mot eit spelande Stranda- lag. Etter nokre omrokkeringar og justeringar kom Sande-jentene betre med. Det var likevel to av dagens debutantar som tok saka i eigne hender og ordna 1-0 til Sande. Teknisk gode Julie Knotten fann Martine Dalen på gjennomløp. Sistnemnde sette ballen kaldt til side for ein sjanselaus Stranda-keeper. Etter dette fann Sande formasjonane og spelte trygt og godt bakover. Ingen av laga greidde å produsere klare sjansar i resten av omgangen.

Martine Dalen (t.v.) debuterte på damenivå med scoring mot Stranda. Julie Knotten debuterte med målgivande. Flotte prestasjonar!

Les Stranda-trenaren si "vurdering" her!!!

I 2. omgang var det stort sett spel mot eitt mål. Sande si midtbane tok fullstendig kommandoen, og spelte opp til variert og fint angrepsspel. I tur og orden netta Siv Helen Tødenes, Monica Lynge, Christianne, Ida M. Sandanger og Elise. Jentene heldt oppe intensiteten kampen ut og spelte på seg ein solid porsjon sjølvtillit før neste tysdags møte med Brattvåg på heimebane. 

Samtlege spelarar gjord ein god kamp. I målet har Marta Elise teke eit steg vidare, særleg posisjoneringa og utspela er verd å merke seg. Forsvarsfiraren med Malin Knotten, Rita Nygård, Karen Ann Rødseth og Silje Keiseraas spelte sikkert og fornuftig i trygge formasjonar. Midtbanen besto av kaptein Sunniva P. Johansen som råsterkt  ankerog ballfordelar sentralt. Vidare Janita Kvalen (opna kampen som aggressiv kantspiss) som var ny i rolla som indreløpar og imponerte med fart og arbeidskapasitet langt over forventningane. Veteran Solrun Slettestøl spelte indreløpar med teknikk og overblikk. Christianne Lillebø avløyste henne på midten mot slutten, og gjorde ein av sine beste kampar. Ho spelte spiss i deler av første omgang, og vart tomålsscorar.

Oppvarming under heller gufne forhold. Men humør, speleglede og prestasjonar varma på Hellesylt. (foto: Ø. Johansen)

Monica Lynge starta som indreløpar, men vart flytta fram i favorittrolla som venstre kantspiss. Alltid på hogget, alltid farleg, og scora ei perle av eit mål frå 25m. Ida Sandanger, Elise Myklebust og Siv Helen Tødenes rullerte i spissrollene, og bidrog med fart og frekke avslutningar. Alle tre  kom på scoringslista, Elise med 2 mål.

Det mest gledelege ved kampen ved sida av poenga, er arbeidsmoralen og haldninga til å gjennomføre det vi har trent på. Innøvde dødballtrekk, forsvarformasjonar og angrepsmønster vart gjennomførte etter boka. Vi skal likevel ikkje gløyme at motstandaren var overkomeleg, og at det ventar tøffare tak allereie neste veke.

Etter ein god kamp kunne Monica Lynge smile og bokføre 
to mål i protokollen.

Etter ei litt famlande opning festa Sande grepet om kampen, og pressa Sykkylven høgt. Det vart likevel berre nesten-sjansar i starten, Sykkylven forsvarte seg godt. Monica Lynge var på fleire gode raid på  venstrekanten, men det lukkast ikkje å omsette innlegga i mål. Etter kvarteret får Sande frispark på 25 m. Sunniva Johansen dundrar ballen i tverrliggar og ned på strek. Lisbeth Nykrem er på returen med hovudet, men ballen stryk tverrliggar på feil side. Etter dette har både Christianne Lillebø, Monica og Solrun Slettestøl store sjansar utan å lukkast, og omgangen ebbar ut 0-0 etter at ei sykkylvenkontring blir redda på strek.

2. omgang er Sande sin fullt og heilt. Lage struttar av pågangsmot, og særleg Monica Lynge dreg opp fleire farlege angrep på venstrekanten. Etter 10 min. prøver Monica å skyte sjølv - med høgrefoten - og ballen skrur vakkert mot lengste stolpe. Keeper klarer så vidt å avverge, men returen set Janita Kvalen sikkert i mål. Sande held fram med å trykkje på, og skaper mange sjansar etter godt spel og farlege dødballar. 2. målet vert sett inn av Monica Lynge som snappar ein retur, etter at Christianne Lillebø har gjort ein strålande jobb i forkant. 3. målet kjem etter corner, der Sunniva Johansen slår ballen hardt inn i feltet, og ein forsvarar endrar retning på ballen med hovudet. Monica Lynge får æra av å sette inn 4. målet, etter at Siv Helen Tødenes har gjort ein råsterk prestasjon mot to Sykkylven-forsvararar. I mellomtida har Sykkylven redusert etter gjennomløp. Før det redda keeper Marta Baade meisterleg ein dobbeltsjanse, der mange såg ballen i mål.
4-1 til Sande altså, og mange gode prestasjonar. Aller best likte vi spelegleda, og at alle som var innpå tok tak i lag og presterte.

Det vert elles trening i Gursken torsdag til vanleg tid.

Spelaravgift haust. ! [18.08.06]
Det er utsendt giro på kr 500,- for innbetaling av spelaravgift for hausten. Vi ber om at avgifta vert innbetalt snarast.

Det er også sendt ut giroar på bag, og ein del har fått giro for overtrekksdrakt. Vi ber om at alt vert innbetalt med det første.

Vi gratulerer småjentelaget ! [08.08.06]
Sande dame jr. gratulerer småjentelaget til Larsnes IL med ein strålande innsats i Norway Cup. Laget tok seg heilt til kvartfinalen utan å sleppe inn mål! Det står det stor respekt av. At ein der rauk ut med 0-1 mot NC-vinnarane frå Spjelkavik, viser kor nær ein var, og at det er mogeleg for ein veninnegjeng frå bygda å hevde seg. 

7 av dei som no spelar på junior damelaget til Sande opplevde å gå til kvartfinalen i A-sluttspelet i småjente 7-ar i 2002. Den gongen rauk Larsnes også ut mot turneringsvinnaren (Spangereid 1-5). Kampen gjekk for øvrig på kunstgrasbana på Mortensrud, der vi budde i år.

0-2 mot Radar [08.08.06]
Radar, som toppar serien i Agder, vart puljevinnar etter siger 9-0 mot Gjelleråsen, 2-0 mot Sande og 1-1 mot Trondheims Ørn. Laget var tungt og tett bakover, og Sandejentene makta ikkje å komme til klare målsjansar. Det vart mykje stillingskrig, og heller ikkje Radar skapte mykje. 1-0 kom etter eit frispark i første omgangs siste minutt, der Radar var først på 2. ball. 2. målet kom på heading etter corner tre minutt før slutt, etter at Marta i målet hadde blitt hindra i å komme ut på innlegget. Sande spelte halve omgangen med tre bak, men kom berre til halvsjansar. Radar gjekk ut av turneringa etter straffekonk. mot Grei/Linderud, som var i finalen.

Denne kampen var Sande sin beste totalt sett, med god jobbing og vilje til å vinne. Kampen gjekk på ei håplaus bane, med gjørme på midten og langhøy rundt. Ekebergs dårlegaste!!

Tøff matching og mannefall i Norway Cup [08.08.06]
Det blei tøff motstand for juniordamene frå Sande i Norway Cup. Sande kom i pulje med to av dei beste laga, og hadde eit trangt nålauge å komme igjennom for å nå A-sluttspelet. Det lukkast då heller ikkje. Trondheims Ørn og Radar vart  for sterke, utan at Sande-jentene på nokon måte let seg spele ut. Og det fjerde laget i pulja, Gjelleråsen,  klarte å snyte oss for plass i B-sluttspelet. Verre var det at to av Sande-spelarane måtte på legevakta med beinbrot etter denne kampen! Men trass i mager utteljing gjorde laget gode prestasjonar mot tøffe lag. Kampane blir omtala nærare nedanfor.

0-1 mot Gjelleråsen [08.08.06]
Det ville seg ikkje i kampen mot Gjelleråsen heller. Sande satsa offensivt, men vart møtt av eit til tider grisespelande Gjelleråsen. Dommaren var meir oppteken av hårspenner, feilkast og nedsigne strømper, enn av klare dytt i rygg og holdingar. Trass i dette var det Sande som skapte mest på ein tung dag, og burde ha vunne kampen. 0-0 hadde gitt plass i B-sluttspelet, men Gjelleråsen lurte oss på ei kontring og scora etter gjennomløp. Eit massivt press siste 10 minutta førte berre til nokre store sjansar, medan mål og avansement uteblei. Ida Sandanger måtte ut med kragebeinsbrudd etter duell med keeper, og Lisbeth Nykrem med armbrudd etter tøffe tak. Såleis kosta Norway Cup meir enn det smakte denne gongen, iallfall for nokre.

Generell info

Kampoppsett for laga frå Sande

Alle som ikkje har levert gamledrakta, tek også denne med på turen.

Avreise laurdag kl 07.15 frå Larsnes [27.07.06]
Dei som skal vere med bussen frå Larsnes, møter på ferjekaia. Det vert avreise kl. 07.15, og ved Matsenteret i Gursken kl. 07.30. 

Sande kom godt i gang, var tøffe i duellane og kjappe i overgangane. Det var ikkje ufarleg framfor Stranda-målet første halve omgangen. Etter ti minutt har Sande corner, og keeper halvklarer det presise og harde corner-innlegget. Siv Helen Tødenes spring ballen i mål. Like etter blir det spelt lang gjennombrotspasning frå Sunniva P. Johansen til spiss Marthe Longva som vinn duellen mot sin midtstoppar. Igjen kjem Siv Helen Tødenes i stor fart frå kanten og set ballen sikkert i mål. Glimrande scoring!

No jamna kampen seg ut, men Sande er framleis mest 

I 2. omgang er Stranda på hogget frå start. Sande får skada sin midtbaneslitar Lisbeth Nykrem. Det er smått med innbytarar, og Sande må i perioder spele med 2 og 3 førsteårs jentespelarar. Dei gjer sine saker bra, men vert av og til litt lette i duellane. Kampen ser likevel ut til å ebbe ut med 2-1. Birgitte Vaagen klinkar til på heil volley frå 25 m, og keeper reddar så vidt. Bortsett frå dette skaper ikkje Sande så mykje, og Stranda er farlege på dødball. Eit ran i siste sekund er det likevel når dommaren forærer Stranda ballen heilt uforståeleg etter at Sande har kontrollen på midten. Det påfølgjande frisparket og corneren vert ikkje klarert, og etter ny "volleyballrunde" i feltet scorar Stranda på kampens nest siste touch på ballen 3 min. på overtid. Surt - men slik er fotball...

Jentene spelt for anledninga i sine nye, flotte drakter, og profilerte seg sjølve og sponsorane på ein framifrå måte. Neste kamp går på Gursken stadion onsdag, med Herd som motstandar.

NB! Kampen går på GRUS.

Avreise, reisemåte mm. vert lagt ut med det første.

Vekeplan veke 24

Sande-jentene fekk ein dårleg start. Ørsta fekk styre kampen, og pressa Sande bakover. Dårleg press og sein forflytning gav Ørsta fritt spelerom, og slurv og ubesluttsomheit framover gjorde at Ørsta kunne komme på stadig nye angrep. Det vart likevel ikkje farleg framfor Sande-målet, unnateke på dødball. Men Marta Elise Baade hadde ein god dag i målet og tok det som kom.

Midtvegs i omgangen løfta Sande-jentene seg, kom høgare på bana og spelte seg til sjansar og nesten-sjansar. Framleis var laget for ubesluttsomme framfor mål, og Ørsta sin midtstoppar var i tillegg svært god. Etter knappe halvtimen får Sande frispark frå ca. 35 m. Sunniva P. Johansen smeller ballen i tverrliggaren, og Sara B. Rekdal set returen i mål.Ut omgangen (som i dette høvet varte berre 40 min...) hadde Sande trykket, og kunne fort auka leiinga. Cornerane var spesielt farlege.

Neste kamp vert mot erkerival Stranda som vi aldri har teke poeng mot. Kampen går neste søndag, og kanskje er det no på tide å slå dei?

Sara B. Rekdal var kjapt framme og netta på returen etter frispark. Matchvinnaren har hatt ein god vår på banen.

Sande kom best i gang, og etter 2 minutt blei Marthe Longva nydeleg frispelt av Birgitte Vaagen. Marthe gjorde ingen feil, og sette ballen kontant i mål frå 15 m via stolpen, bak ein sjokkert Sykkylven-keeper. Sande-jentene held trykket første kvarteret, og kunne ha auka leiinga. Men gradvis tok Sykkylven over, og pressa på for utlikning fram mot pause. Etter 40 min. stod det 1-1, etter dårleg kommunikasjon og sjølvmål i Sande-forsvaret. Bortsett frå dei to måla, likna kampen mest ein stillingskrig i første omgang.

Siste kvarteret hadde begge lag sjansar til å score. Nærast var Marthe åleine med keeper, Siv Helen Tødenes sitt kanonskot i tverrliggaren og Ida Sandanger sitt "hestespark" som nesten tok livet av ein Sykkylven-forsvarar som våga å blokkere. Sykkylven skaut i nettveggen for ope mål...

Sande-jentene er no på 3.divisjonsnivå, og viste både vilje og evne til å vinne kampar på dette nivået. Heilhjarta og positiv innsats frå heile laget. Vi ser fram til neste kamp, og håpar at ein del publikum vil møte opp og støtte laget.

Det vart no gjort grep for å få meir trykk og fart framover, og for å stabilisere forsvaret. Formsterke Sara B. Rekdal og Christianne Lillebø tok tak på midtbanen, rutinerte Solrun Slettestøl gjekk inn i midtforsvaret.

 
Tomålsscorar Marthe Longva terroriserte Sykkylven-forsvaret.
Ho er ein av formspelarane på laget for tida.

Karen Ann Rødseth (t.v.) og Rita Nygård spelte strålande i forsvar også denne kampen.