Dag Vaagen fyller 50 år 19. januar.

Gratulerer med
dei første 50 år!
Sande dame junior gratulerer trenar Dag Vaagen hjarteleg med 50-års-dagen torsdag 19. januar. Etter rykta skal jubilanten vere bortreist på dagen, men har ordna med stand-in/stuntmann på treninga. 
Laget ynskjer å feire jubilanten med siger i søndagens kamp mot Ellingsøy i Vinterserien. Jubilanten har sagt at han vert meir eller mindre til stades.  [18.01.06]
Treninga i morgon på Larsnes [18.01.06]
Treninga på torsdag vert lagt til Larsnes pga. forhold/utstyr. Vi reknar med at frammøtet vert like godt som på dei to siste øktene.  		Kampen på søndag [18.01.06]
Kampen mot Ellingsøy går kl. 17.00 i Sunnmørshallen. Det vert køyrt med buss. Avreise frå Larsnes 14.15, Gursken 14.20, ferje frå Hareid 15.00. Vi stiller i blå drakter.
Det er viktig at alle forfall vert meldt til Øystein snarast på SMS.
Ny vekeplan utlagt [15.01.06]
Vekeplan for veke 3 er no lagt ut. Verdt å merke seg er det at det på søndag vert kamp i Sunnmørshallen mot Ellingsøy (11-ar). Forfall til kampen må meldast snarast til Øystein J.
Vekeplan veke 3 		Meld frå vedr. messa [18.01.06]
Førebels har ingen meldt frå om fråver på Yrkesmessa, men det ryktast at somme er i Syden på treningsleir. Gjer vel å melde frå snarast!
Vaktlista.

Dancing Queens slo Ladies Madonnas 2-1 søndag [15.01.06]

Marthe Longva scora eit kjempemål med pannebrasken.

Internkampen på Larsnes søndag mellom to lag frå Sande dame jr. enda med 2-1 siger til laget med det treffande namnet Dancing Queens. Kampen mot Ladies Madonnas var jamn og tøff, med mange sjansar til begge lag. Kampen er ledd i opp- køyringa mot vinterserien som startar neste helg. Derfor vart kampen spelt på full 11-ar-bane under gode forhold, sjølv om ein del forfall gjorde at ein berre hadde 10 mot ni spelarar. 
Marthe Longva laga årets første mål, då ho heada inn eit inn-legg frå Birgitte Vaagen etter eit flott angrep. Ida M. Sandanger skaffa balanse før pause, då ho scora direkte frå corner, med litt hjelp frå forsvaret. Monica Lynge vart matchvinnar med ein vakker banan over keeper på halv- distanse.

Det er tydeleg at mange har trena godt, og går mot ein god sesong. Trenarduoen fekk mange svar på kven som er mest aktuelle på dei ulike plassane.
På Dancing Queens spelte Dag Vaagen (keeper), Karen Ann Rødseth, Rita Nygård, Benedikte Pedersen, Sara B. Rekdal, Birgitte Vaagen, Kristine Longva, Siv Helen Tødenes, Marthe Longva og Monica Lynge. 
Ladies Madonnas besto av Øystein Johansen (keeper), Malin Knotten, Sunniva P. Johansen, Frida Vestnes, Silje Keiseraas, Solrun Slettestøl, Christianne Lillebø, Janita Kvalen, Ida M. Sandanger.
Dommar var Rasmus Ekroll.

 

Vinterserien startar neste helg
Neste søndag går første kampen i vinterserien. Første kampen vert mot Ellingsøy, og kampen går kl. 17.00 i Sunnmørshallen. Det vert køyrt enten med buss eller privatbilar. Avreise frå Larsnes 14.15, Gursken 14.20, ferje frå Hareid 15.00.
Ellingsøy møtte vi i juniorserien i sommar. I haustkampen på Ellingsøya var det meir gjørmebryting enn spel, men vi vann 10-0, og har såleis gode minne derifrå.

 
Malin Knotten (t.v.) og Birgitte Vaagen har vore på alle treningane sidan vi starta opp i desember.

14 spelarar på trening torsdag
14 spelarar møtte på trening på Larsnes torsdag. Silje Keiseraas og Merete Sjåstad var der for første gong. Eit heil fotball-lag (11 spelarar) var av ulike årsaker ikkje på trening. Så konkurransen ser ut til å bli tøff, og trenings-miljøet er flott. 

Internkamp søndag 15. jan. kl. 14.00
Vi minner om internkampen  søndag på Larsnes. Her må alle møte, evt. melde frå dersom de absolutt ikkje kan. Alle meldingar til Øystein på mobiltlf.

Vaktliste for Yrkesmessa
Vaktlista for kiosk/restaurant på Yrkesmessa er no klar. Alle bør gå inn og sjekke tidspunkta. Det er klarert med Ulstein vidaregåande og Gursken skule om fri frå undervisning. 
NB! Dersom nokon er forhindra, må det meldast frå til Øystein J.
Vaktlista

 Nye spelarar på trening i dag?
Silje Keiseraas og Merete Sjåstad har signalisert at dei kjem på treninga i dag, og at dei kanskje vert med vidare. Vi får sørge for å gje dei ein skikkeleg velkomst!
To Sula-jenter har elles signalisert at dei ynskjer å vere med. Dei går på skule i Ulsteinvik (idrett), og er inviterte til å komme på trening.
Aktivitetsplan - vekeplan
Vekeplanen for veke 2 er no utlagt og til-gjengeleg, slik at alle spelarane kan orientere seg om treningane komande veka. Dette vert gjort framover, og sidene vert heretter kanal for all informasjon til spelarane. Legg merke til at internkampen er flytta til søndag (ikkje laurdag).

Innbetaling av treningsavgift
Det vert sendt ut krav om innbetaling av trenings-avgift for første halvår no i januar. Halvårsavgifta er på kr 500,-, og  det er viktig at alle betaler raskt inn. Dersom Yrkesmessa og andre prosjekt gjev godt utbytte, vil vi vurdere neste nnbetaling og storleiken på den opp mot t.d. kjøp av drakter etc.

Gode treningsforhold på Larsnes
Treningsforholda på Larsnes er bra. Grusbana er salta og sladda. Treningane har gått greitt, men med litt for dårleg frammøte. Div. uheldige omstende får ta noko av skulda. Vi reknar med full oppslutning frå veke 2.		 Intervalltrening er tingen
Skal ein heve kondisjonen, må ein trene hardt og effektivt. Intervalltrening er tingen - med høg intensitet og korte pausar. Dette har både herre- og damelaget forstått, og starta nyåret med sugande økter.
Sande dame jr.
Laget er eit samarbeidslag mellom klubbane Larsnes IL, Gursken IL og Gjerdsvika IL. Laget disponerer grasbaner på Larsnes, i Gursken og i Gjerdsvika, og grus-baner på Larsnes og i Gursken. Ca. 20 aktive spelarar frå 91-årg. til seniornivå utgjer spelargruppa. Laget vart nr. 3 i juniorserien i 2005. 
Trenarar for laget er Øystein Johansen og Dag Vaagen. Oppmann er Eva Lynge. Larsnes IL står i 2006 som ansvarleg for å administrere samarbeidslaget. Laget er påmeld i Vinterserien og vil også delta i 11-ar-serien for junior eller senior til sommaren.
Andre aktuelle område for deltaking er Norway Cup og andre turneringar, utandørs og innandørs. Laget har som målsetting å trene for å bli best mogeleg og vinne neste kamp.
Under Førde-cup i haust vart dette laget nr. 2 etter flott spel. Bildet er frå premie-utdelinga.